طب ايه رأيك بقى إن أنا هقول لسراج بيه إنك بتبوظي المهمة
For script of the scene, see below.
عزام: بس أنا لازم أشوفك النهارده بالليل. لازم أحتفل برجوعك لينا بالسلامة
حزلئوم: ايوا كده يا باشا بلا عملية بلا كلاب بلا بتاع خلينا ننبسط ونفرفش. ايه الطعامة دي؟ عليا النعمة انت راجل عسلية
عزام: عسلية
حزلئوم: اه اللي هي .. المسكّرة المطولة
جيرمين: مستر عزام I'm sorry احنا كده هنتأخر عـ الـ ميتنج
عزام: طب أنا هطلع ألبس حالا دلوقتي. هشوفك النهارده بالليل ها
حزلئوم: اه اساسي اساسي يا برنس...باي باي مستر عزام.....ايه اللي انتي عملتيه ده؟ ايه اللي دخّلك دلوقتي؟ الراجل كان هيقرّ ويعترف بكل حاجة
جيرمين: انت ايه اللي هببته ده؟ في حد يقول لمستر عزام انت راجل عسلية
حزلئوم: انتي كنتي بتصنطي علينا يا جيرمين. طب ايه رأيك بقى إن أنا هقول لسراج بيه إنك بتبوظي المهمة وأخليه يرفدك